ՎՍՀ-ում ՀՀ դեսպան Վահրամ Կաժոյանի հանդիպումը Վիետնամ-Հայաստան բարեկամության ասոցիացիայի անդամների հետ:

21 սեպտեմբերի, 2022

Ս.թ. սեպտեմբերի 21-ին Վիետնամի Սոցիալիստական Հանրապետությունում ՀՀ դեսպան Վահրամ Կաժոյանը Հանոյում Հայաստանի դեսպանությունում ընդունեց Վիետնամ-Հայաստան բարեկամության ասոցիացիայի անդամներին (Vietnam-Armenia Friendship Association - VAFA)՝ ՀՀ Անկախության օրվա 31-ամյակի կապակցությամբ։

Հանդիպման ժամանակ ՎՍՀ-ում ՀՀ դեսպան Վահրամ Կաժոյանը հակիրճ ներկայացրեց ս.թ. սեպտեմբերի 13-ից 14- Ադրբեջանի կողմից սանձազերծված ագրեսիայից հետո Հայաստանի սահմանամերձ շրջաններում ստեղծված իրավիճակը և հայկական կողմից զոհված, գերևարված ու վիրավորված զինծառայողների և քաղաքացիական անձանց մասին պաշտոնական տվյալները։

Դեսպան Կաժոյանը Վիետնամ-Հայաստան բարեկամության ասոցիացիայի անդամների հետ նաև քննարկեց Հայաստանի և Վիետնամի միջև երկուստեք հետաքրքրություն ներկայացնող՝ մասնավորապես առևտրատնտեսական, մշակութային, զբոսաշրջության, կրթության և այլ ոլորտներում համագործակցության զարգացումը և խորացումն, ինչպես նաև իրավապայմանագրային դաշտի ընդլայնումը և այլ հարցեր։

Վիետնամ-Հայաստան բարեկամության ասոցիացիայի անդամները նշեցին, որ իրենք ուշադրությամբ հետևում են Ադրբեջանի կողմից սանձազերծված ագրեսիայից հետո Հայաստանի սահմանամերձ շրջաններում տեղի ունեցող զարգացումներին և իրենց մտահոգությունները հայտնեցին Ադրբեջանի ագրեսիայի հետևանքով հայկական կողմից գրանցված զոհված, գերևարված և վիրավորված զինծառայողների և քաղաքացիական անձանց կապակցությամբ՝ հույս հայտնելով, որ մոտ ապագայում լարվածությունը Հայաստանի սահմանամերձ շրջաններում կնվազի և կհաստատվի խաղաղություն։

Վիետնամ-Հայաստան բարեկամության ասոցիացիայի անդամների հետ հանդիպմանը մասնակցում էին ՀՀ դեսպանության երկրորդ քարտուղար Արամազդ Մուրադյանը, իսկ Վիետնամ-Հայաստան բարեկամության ասոցիացիայի կողմից՝ ասոցիացիայի փոխնախագահ և գլխավոր քարտուղար պարոն Մայ Քուանգ Վինը (Mr. Mai Quang Vinh), ասոցիացիայի փոխնախագահ պարոն Զուոնգ Ման Քուոնգը (Mr. Duong Manh Cuong) և ասոցիացիայի մշտական անդամներ՝ պարոն Լե Քան Նյակը (Mr. Le Canh Nhac), տիկին Լե Տույեթ Մինը (Mrs. Le Tuyet Minh) և տիկին Լե Թի Լուոնգը (Mrs. Le Thi Luong)։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր